Мадриднинг “Реал” клуби директори Эмилио Бутрагеньо жамоаси ярим ҳимоячиси Лука Модрич ҳақида фикр билдирди.
"Лука - "Реал"ни ифодаловчи барча қадриятлар учун мезон. У аллақачон клуб тарихига ўз номини ёзган. Авлоддан-авлодга ўтиб келаётган ҳамма нарсага ўрнак бўлгани учун унга раҳмат айтмоқчиман. Бу биз учун катта шараф", - деди Бутрагеньо Marca нашри билан суҳбатда.
36 ёшли хорватиялик футболчи 2012 йилнинг август ойидан буён “Қироллик клуби" шарафини ҳимоя қилиб келмоқда. Унинг Мадрид билан амалдаги шартномаси келаси ой охиригача мўлжалланган.
