"Шахтёр" ярим ҳимоячиси Маркос Антонио "Лацио"га ўтди, деб хабар бермоқда журналист Николо Скира.
Манбага кўра, Рим клуби футболчи учун саккиз миллион евро тўлайди, "Шахтёр" яна икки миллион евро бонус олади. Футболчи билан шартнома 2027 йилгача мўлжалланган, йилига икки миллион евро маош олади.
Антонио Украина клубига 2019 йилнинг феврал ойида португалиялик “Эшторил” жамоасидан 3,5 миллион евро эвазига кўчиб ўтган эди. Transfermarkt портали уни 8 миллион еврога баҳоламоқда.
Жорий мавсумда 21 ёшли бразилиялик футболчи “Шахтёр” сафида барча турнирларда 28 та ўйинда майдонга тушиб, 3 та гол урди ва битта голли узатмани амалга оширди.
