"Милан" ҳимоячиси Алессио Романьолига "Челси" клуби қизиқиш билдирмоқда дея хабар бермоқда Mundo Deportivo.
Манба берган хабарга кўра, Антонио Рюдигер ва Андреас Кристенсен кетганидан сўнг, бўшаб қолган ҳимоя чизиғини тўлдириши мумкин бўлган бу трансферга шахсан "кўклар" бош мураббийи Томас Тухель қизиқмоқда. Улардан ташқари "Челси"ни Сезар Аспиликуэта ва Маркос Алонсони ҳам тарк этиши мумкин.
Ушбу шартнома ёзда тугайдиган Романьолига "Барселона", "Севилья", "Бавария" ва Дортмунднинг "Боруссия" клублари даъвогарлик қилмоқда.
Ҳимоячи 2015 йилдан бери “Милан”да тўп суради, жамоа сардори ҳисобланади.
Жорий мавсумда 27 ёшли италиялик футболчи “россонерилар” сафида барча турнирлар доирасида 25 та ўйинда майдонга тушиб, битта гол киритди ва битта голли узатмани амалга оширди. Transfermarkt уни 20 миллион еврога баҳоламоқда.
