"ПСЖ" Рафаьль Леауга қизиқиш билдирмоқда, аммо "Милан" футболчисини ўз сафида сақлаб қолмоқчи.
La Gazzetta dello Sport нашрининг ёзишича, «ПСЖ» 22 ёшли футболчига жиддий қизиқиш билдирмоқда ва у учун 70 миллион евро таклиф қилишга тайёр. "Милан" ҳужумчини дахлсиз деб ҳисоблайди ва 100 миллион евро ёки ундан кўп таклиф тушсагина уни қўйиб юборишга рози бўлади.
"Милан" тез орада Леау билан янги шартнома имзолашни муҳокама қилади. Португалиялик футболчининг амалдаги шартномаси 2024 йилнинг ёзига қадар амал қилади, унга кўра у йилига 1,5 миллион евро олади. «Милан» ҳужумчига йилига 4,5 миллион евро маош билан 2026 йилнинг ёзига қадар шартнома таклиф қилишга тайёр.
Жорий мавсумда Леау «Милан» сафида барча турнирлар доирасидаги 41 та ўйинда 14 та гол урди ва 8 та голли узатмани амалга оширди.
