"Барселона" ўз ҳимоячиси Оскар Мингесани 5-10 миллион еврога сотмоқчи. Футболчи бош мураббий Хавининг кейинги мавсумдаги режаларига киритилмаган.

Ҳимоячи ўтган мавсумда Роналд Куман қўл остида Каталония клубининг асосий таркибида майдонга тушганди. Нидерландия мутахассис ундан тез-тез фойдаланди, аммо бу мавсум каталонияликларнинг янги бош мураббийи Хави ўйинчига асосий таркибдаги ўринни кўпинча ишонмади.

Mundo Deportivo нашри хабарига кўра, "Барселона" ёзги мавсумда футболчидан қутулмоқчи. Каталонияликлар футболчининг трансферидан 5-10 миллион евро ишлаб олишни режалаштирмоқда.

Мингеса жорий мавсум Ла Лигада 18 та ўйинда майдонга тушиб, 1 та голли узатмани амалга оширди.