Златан Ибраҳимович Швеция терма жамоасига чақирувни рад этди.

Футбол Football Italia нашрининг кўра, 40 ёшли ҳужумчи Миллатлар лигасининг бўлажак ўйинларида терма жамоа сафида майдонга тушмайди.

Маълум қилинишича, ҳужумчи соғлиғидаги муаммолар туфайли таклифни рад этган. Бироқ бу қарор футболчининг терма жамоадаги келажагига таъсир қилмайди, у кейинги ўйинларда иштирок этишга тайёр.

Ибраҳимович Швеция терма жамоаси сафида 121та ўйин ўтказиб, 62та гол урган. У 2002 ва 2006 йиллардаги жаҳон чемпионатларида, шунингдек, 2004, 2008, 2012 ва 2016 йиллардаги Европа чемпионатларида ўз мамлакати шарафини ҳимоя қилган.

Июнь ойида шведлар Миллатлар лигасида 4 та ўйин ўтказади: Словения ва Сербия терма жамоаларига қарши бир мартадан, Норвегия термасига қарши икки марта.

А Сериянинг жорий мавсумида Ибраҳимович 22 та ўйинда майдонга тушиб, 8 та гол урди ва 3 та голга ассистентлик қилди.