Каталониянинг "Барселона" клуби яримҳимоячиси Хавьер Маскерано "Реал" бош мураббийи Жозе Моуриньонинг Испания матбуотига берган интервьюсига ўзининг фикрларини билдириб ўтди.
"Мен Моуриньога жавоб бермоқчи эмасман. Ўтган йили Роналду голларининг дарҳақиқат ўрни бор эди. Аммо, "Олтин тўп"га Месси муносибдир. Бир қатор мураббий ва футболчилар тўғри қарорга келишганди. У ушбу мавсумда 72 та гол урди", дейди Маскерано.
Таъкидлаб ўтиш жоиз, португалиялик мутахассис Мессининг урган голлари ҳеч нарсани англатмаслигини, чунки чемпион "Реал" бўлганлигини айтиб ўтганди. Бунга қўшимча "Олтин тўп"ни Криштиану Роналду олиши керак эканлигини ҳам таъкидлаган.