"Челси" бош мураббийи Томас Тухель жамоани текинга тарк этадиган ҳимоячилар Антонио Рюдигер ва Андреас Кристенсеннинг ўрнига асосий номзодлар ҳақида аллақачон қарорга келганини айтди.
«Бизда бу борада вариантлар бор, лекин ҳозирча ҳаракат қила олмаймиз. Сиз сабрли бўлишингиз керак.
Мен клубнинг асосий ўйинчиларни йўқотишни истамасдим, лекин шундай бўлди, ҳеч нарса қилиб бўлмайди», - дейди Тухель матбуот анжуманида.
Эслатиб ўтамиз, "Челси"га ўтиши мумкин бўлган футболчилар орасида Жюль Кунде, Йошко Гвардиола, Уесли Фофана, Пау Торрес ва Преснель Кимпембе номлари бор.
