“Кристал Пэлас” бош мураббийи Патрик Виейра АПЛнинг 33-турида “Эвертон”дан учралган мағлубиятдан (2:3) ҳафсаласи пир бўлганини тан олди. Лондонликлар биринчи бўлимдан кейин 2:0 ҳисобида олдинда боришаётган эди.
“Биринчи бўлимда биз жуда яхши футбол кўрсатганимиз ва ўйин суръатини назорат қилганимиздан хурсандман. Иккинчи бўлимга ишонч билан кириб келдик, лекин биринчи бўлимдагидек ўйинни назорат қилмадик. Секин-аста рақиблар ўйинга кириша бошладилар.
"Эвертон"нинг биринчи голи мухлисларни уйғотди ва бу бизга қийин бўлди. Ўйин курашга айланиб кетди ва биз бунга дош бера олмадик. Биз назоратни йўқотдик.
Мавсумнинг сўнгги ўйинида юқори савияда ўйнашни истаймиз. Мухлисларимиз бизни жуда ажойиб тарзда қўллаб-қувватлашди. Биз уларга муносиб бўлган нарсани беришимиз керак", - деди Виейра.
