“Kristal Pelas” bosh murabbiyi Patrik Viyeyra APLning 33-turida “Everton”dan uchralgan mag‘lubiyatdan (2:3) hafsalasi pir bo‘lganini tan oldi. Londonliklar birinchi bo‘limdan keyin 2:0 hisobida oldinda borishayotgan edi.

“Birinchi bo‘limda biz juda yaxshi futbol ko‘rsatganimiz va o‘yin sur’atini nazorat qilganimizdan xursandman. Ikkinchi bo‘limga ishonch bilan kirib keldik, lekin birinchi bo‘limdagidek o‘yinni nazorat qilmadik. Sekin-asta raqiblar o‘yinga kirisha boshladilar.

"Everton"ning birinchi goli muxlislarni uyg‘otdi va bu bizga qiyin bo‘ldi. O‘yin kurashga aylanib ketdi va biz bunga dosh bera olmadik. Biz nazoratni yo‘qotdik.

Mavsumning so‘nggi o‘yinida yuqori saviyada o‘ynashni istaymiz. Muxlislarimiz bizni juda ajoyib tarzda qo‘llab-quvvatlashdi. Biz ularga munosib bo‘lgan narsani berishimiz kerak", - dedi Viyeyra.