"Челси"нинг германиялик мураббийи Томас Тухель франциялик ярим ҳимоячиси Н'Голо Кантенинг ўйини ҳақида гапирди.
Тухелнинг айтишича, франциялик футболчи Лондон клуби ўйинига катта таъсир кўрсатмоқда, аммо, афсуски, Канте бу мавсумда жароҳатлар туфайли кўплаб ўйинларни ўтказиб юборди. Мураббийнинг таъкидлашича, Канте "Челси" учун ҳам Салоҳ, ҳам ван Дейк, ҳам Неймар ва Мбаппедир. Мутахассиснинг қўшимча қилишича, Канте "Челси"нинг асосий ўйинчиси, шунинг учун ярим ҳимоячи доимо майдонда бўлиши керак.
Эслатиб ўтамиз, жорий мавсумда Н'Голо Канте Англия лигасида 25 та ўйинда майдонга тушиб, 2 та гол ва 4 та голли узатмани амалга оширган.
