"Chelsi"ning germaniyalik murabbiyi Tomas Tuxel fransiyalik yarim himoyachisi N'Golo Kantening o‘yini haqida gapirdi.

Tuxelning aytishicha, fransiyalik futbolchi London klubi o‘yiniga katta ta’sir ko‘rsatmoqda, ammo, afsuski, Kante bu mavsumda jarohatlar tufayli ko‘plab o‘yinlarni o‘tkazib yubordi. Murabbiyning ta’kidlashicha, Kante "Chelsi" uchun ham Saloh, ham van Deyk, ham Neymar va Mbappedir. Mutaxassisning qo‘shimcha qilishicha, Kante "Chelsi"ning asosiy o‘yinchisi, shuning uchun yarim himoyachi doimo maydonda bo‘lishi kerak.

Eslatib o‘tamiz, joriy mavsumda N'Golo Kante Angliya ligasida 25 ta o‘yinda maydonga tushib, 2 ta gol va 4 ta golli uzatmani amalga oshirgan.