Лиссабоннинг "Бенфика" клуби ҳужумчиси Дарвин Нунес Туманли Альбионга ўтишни истамаяпти. RMC Sport хабарига кўра, уругвайлик футболчига "Манчестер Юнайтед" ва "Ньюкасл" клубларидан таклифлар бўлган, бироқ у Чемпионлар лигасида ўйнайдиган жамоа излаётгани учун бу клубларнинг таклифларини рад этган.
Дарвин фаолиятини давом эттиришнинг энг эҳтимолий вариантларидан бири - бу Франциянинг "ПСЖ" клубидир. Томонлар музокара жараёнига аллақачон киришган.
Жорий мавсумда Дарвин бир қатор клубларнинг эътиборини тортган юқори кўрсаткичларни намойиш этмоқда. Ҳужумчи Португалия чемпионатининг 28 та учрашувида 26 та гол урди ва 4 та голли узатмани амалга оширган.
