"Ньюкасл" "Рома" ярим ҳимоячиси Жордан Верету учун таклиф тайёрламоқда. Футболчи Англияга кўчиб ўтишга қизиқмоқда.
"Ньюкасл" бош мураббийи Эдди Хау ёзги мавсумда трансфер бозорида фаол ишлашни ва таркибни сезиларли даражада кучайтиришни режалаштирмоқда. Жамоанинг трансфер мақсадларидан бири 29 ёшли ярим ҳимоячи Верету бўлиб, мураббийнинг фикрича, ярим ҳимоячи Бруно Гимиреш билан бирга ажойиб жуфтлик бўлиши мумкин.
Қайд этилишича, “Рома” ярим ҳимоячи учун 18-20 миллион евро талаб қилмоқда. Футболчига "Наполи" ҳам қизиқиш билдирмоқда.
Жорий мавсумда футболчи А Серияда 35 та ўйин ўтказиб, 4 та гол урди ва 8 та голли узатмани амалга оширди.
