Bayern&Germany хабарига кўра, Серж Гнабри билан янги шартнома бўйича музокаралар олиб бориш ҳозирча кутилмаяпти.

Манбага кўра, футболчи "Бавария"нинг сўнгги таклифини қабул қилишни истамаган, шу боис клуб пауза қилишга қарор қилган.

Гнабри 2017 йилда немис грандига саккиз миллион евро эвазига "Вердер"дан ўтган эди. Унинг амалдаги шартномаси 2023 йилгача мўлжалланган.

Олдинроқ Гнабрига "Реал", "Ювентус" ва Англиянинг топ-клублари қизиқаётгани хабар қилинганди.

Жорий мавсумда 26 ёшли германиялик футболчи барча турнирларда 45 та ўйинда майдонга тушиб, 17 та гол урди ва 10 та голли узатмани амалга оширди. Transfermarkt портали уни 70 миллион еврога баҳоламоқда.