Ўзбекистон Футбол Ассоциацияси тарқатган маълумотга қараганда, мамлакатимиз аёллар клублари ўртасидаги Осиё чемпионатининг Ғарбий минтақа учрашувларига мезбонлик қилади.
Осиё Футбол Конфедерацияси аёллар клублари ўртасидаги турнирга мезбонлик қиладиган давлатларни эълон қилди. Унга кўра, Ғарбий минтақадаги клублар ўртасидаги турнир юртимиз майдонларида ўтказиладиган бўлди.
Ушбу учрашувлар 20-26 август кунлари бўлиб ўтади ва унда Ўзбекистон, Ҳиндистон, Эрон ва Иорданиянинг жамоалари иштирок этади. Шарқдаги турнирда Таиланд, Тайпей ва Мьянма жамоалари ўзаро баҳс олиб боришади.
Икки зона ғолиблари ўртасидаги финал ўйини октябр ойида бўлиб ўтиши режалаштирилган.
