«Челси» клуби собиқ футболчиси Михаэль Баллак лондонликлар ва «Бавария» ўртасидаги Чемпионлар лигаси финал босқичи олдидан ўз қарашларини билдирди.
«Бавария» бу ўйинда фаворитга ўхшайди. Аҳир улар «Челси»ни ўз стадионларида қабул қилишади ва бу улар учун катта устунлик.
Ўйлашимча, «Бавария» мусобақа финалига хаққоний тарзда етиб келди, аҳир улар «Реал»дек жамоани ярим финалдан чиқариб юборишди. Мюнхенликлар ажойиб жамоа ташкил этишган, икки йил олдин ҳам уларнинг Чемпионлар лигасига чиққани сўзимнинг исботи.
Шунга қарамай «Челси»нинг ҳам ўзига яраша кучли томонлари кўп. Сўнгги бир неча ҳафтада улар ҳам кетма-кет фантастик ўйинлар ва натижалар кўрсатишни бошлашди», – дея Баллак сўзларидан лондонликлар расмий сайти иқтибос келтиради.
