"Лилль" ҳужумчиси Жонатан Дэвидга "Манчестер Юнайтед" қизиқиш билдирмоқда, дея хабар бермоқда CBS.
Манбага кўра, манчестерликлар футболчи учун "Арсенал" билан рақобатлашади. "Лилль" ўзининг асосий юлдуз футболчисининг трансферидан тахминан 50 миллион евро ишлаб олмоқчи. Форварднинг трансферига “қизил иблислар” бош мураббийи Эрик тен Хагнинг шахсан ўзи қизиқмоқда.
Дэвид 2020 йилда Бельгиянинг "Генк" жамоасидан 27 миллион евро эвазига "Лилл"га кўчиб ўтган эди. Унинг шартномаси 2025 йилгача мўлжалланган.
Жорий мавсумда 22 ёшли канадалик футболчи "Лилль" сафида барча турнирларда 47та ўйин ўтказиб, 19та гол урган.
