"Тоттенхэм" бош мураббийи Антонио Конте "Норвич" билан бўлиб ўтадиган АПЛ доирасидаги ўйин ҳақида фикр билдирди.
Контенинг айтишича, Лондон жамоасидаги барча футболчилар бу ўйин муҳимлигини яхши билишади. Италиялик мураббий футбол гўзал, чунки уни олдиндан айтиб бўлмайди, шунинг учун жамоа 100 фоиз бор эътиборини ўйинга қаратмаса, якунда мағлуб бўлиш хавфи катта эканлигини таъкидлади.
Эслатиб ўтамиз, агар "Тоттенхэм" чемпионатнинг энг сўнгги учрашувида "Норвич"ни мағлуб этса, "шпорлар" тўртинчи ўринни эгаллаб, келаси мавсум учун Чемпионлар лигаси йўлланмасини қўлга киритади.
