"Манчестер Сити" бош мураббийи Хосеп Гвардиола "Астон Вилла"га қарши АПЛнинг сўнгги ўйини олдидан фикр билдирди.

Гвардиола ўз ўйинчиларидан хавфсиз ўйнашни ва Англия чемпионатининг оддий ўйинига тайёрланишларини сўраганини айтди. Испаниялик мураббийнинг таъкидлашича, унга жамоаси ҳамма нарсани тўғри бажараётгандек туюлади, шунинг учун "шаҳарликлар"нинг сўнгги тур олдидан асабийлашишига асос йўқ.

Эслатиб ўтамиз, айни дамда Гвардиола шогирдлари турнир жадвалида пешқадамлик қилмоқда ва иккинчи ўриндаги "Ливерпул"дан бир очкога олдинда боришмоқда.