Суперлиганинг 10-турида ўзаро тўқнаш келаётган «Динамо» — АГМК жамоалари ўртасидаги қарама-қаршилик тарихига назар соламиз.

АГМК мазкур жамоага қарши умумий ҳисобдаги 22-учрашувни ўтказишга тараддуд кўрмоқда.

Бунга қадар жамоамиз самарқандликлар билан жами 21 маротаба дуч келган ва ўзаро ўйинлардаги ҳисоб-китоб бўйича устунликка эга. Ўтказилган 21 беллашувнинг 10тасида жамоамизнинг қўли баланд келган. "Динамо" эса ушбу қарама-қаршиликда 7 бор зафар қучган. Қолган 4 баҳсда эса ғолиб номи аниқланмай, жамоалар дуранг қайд этишган. Тўплар нисбати ҳам жамоамиз фойдасига: 30-21.

Бўлажак ўйинни бошқариш масъулияти Акобирхўжа Шукуруллаев топширилган. VARша масъул этиб Ильгиз Танташев тайинланган.

Ўйин 23 май куни соат 19:00да Самарқанддаги «Динамо» стадионида бошланади.

Суперлига, 10-тур. 23 май, душанба.
«Динамо» — АГМК (19:00)
Ҳакамлар: Акобирхўжа Шукуруллаев, Обид Жумаев, Жасур Рустамов, Абдурашид Худойберганов
Назоратчи: Марат Исмаилов
VAR ҳаками: Илгиз Танташев
VAR ассистент: Руслан Серазетдинов
Комиссар: Алишер Файзиев