Superliganing 10-turida o‘zaro to‘qnash kelayotgan «Dinamo» — AGMK jamoalari o‘rtasidagi qarama-qarshilik tarixiga nazar solamiz.

AGMK mazkur jamoaga qarshi umumiy hisobdagi 22-uchrashuvni o‘tkazishga taraddud ko‘rmoqda.

Bunga qadar jamoamiz samarqandliklar bilan jami 21 marotaba duch kelgan va o‘zaro o‘yinlardagi hisob-kitob bo‘yicha ustunlikka ega. O‘tkazilgan 21 bellashuvning 10tasida jamoamizning qo‘li baland kelgan. "Dinamo" esa ushbu qarama-qarshilikda 7 bor zafar quchgan. Qolgan 4 bahsda esa g‘olib nomi aniqlanmay, jamoalar durang qayd etishgan. To‘plar nisbati ham jamoamiz foydasiga: 30-21.

Bo‘lajak o‘yinni boshqarish mas’uliyati Akobirxo‘ja Shukurullayev topshirilgan. VARsha mas’ul etib Ilgiz Tantashev tayinlangan.

O‘yin 23 may kuni soat 19:00da Samarqanddagi «Dinamo» stadionida boshlanadi.

Superliga, 10-tur. 23 may, dushanba.
«Dinamo» — AGMK (19:00)
Hakamlar: Akobirxo‘ja Shukurullayev, Obid Jumayev, Jasur Rustamov, Abdurashid Xudoyberganov
Nazoratchi: Marat Ismailov
VAR hakami: Ilgiz Tantashev
VAR assistent: Ruslan Serazetdinov
Komissar: Alisher Fayziyev