"ПСЖ" футболчиси Анхель ди Мария дўсти Килиан Мбаппенинг "Реал"га ўтмагани ҳақида гапирди.
Ди Мариянинг ўзи бугун парижликлар сафидаги сўнгги ўйинини ўтказди ва ниҳоят футболдаги жорий йилнинг асосий янгиликларидан бири ҳақида фикр билдирди: "Мбаппе "ПСЖ"да қолиб, тўғри қарор қабул қилди. У жуда ёш, унинг Мадридга боришга ҳали улгуриши мумкин", - дея 34 ёшли аргентиналик футболчининг сўзларини келтиради El Chiringuito.
Мбаппенинг парижликлар билан шартномасини узайтиргани ҳақида расмий хабар бугун "Мец"га қарши ўйин олдидан эълон қилинди. Учрашув 5:0 ҳисобида якунланди ва 23 ёшли франциялик хет-трик қайд этди.













