"Бавария" дарвозабони Мануэль Нойер мюнхенликлар учун жорий мавсум ҳақидаги фикрлари билан ўртоқлашди.
Нойернинг таъкидлашича, "Бавария" футболчилари мавсумдан кўпроқ нарсани кутишган, Чемпионлар лигаси ва Германия кубогидаги аянчли чиқиб кетишлар узоқ вақт давомида хотирадан ўчмайди. Тажрибали дарвозабон “Бавария”да жуда юқори савияли жамоа борлиги, шунинг учун олдинга қараш ва кейинги мавсум янада муваффақиятли ҳамда сермаҳсул бўлишига ишониш кераклигини таъкидлади.
Эслатиб ўтамиз, бу мавсумда "Бавария" яна чемпионликни қўлга киритди. Нойер Бундеслигада 28 та ўйин ўтказган бўлса, шулардан ўнтасида ўз дарвозаси даҳлсизлигини сақлаб қолди.