Илья Геркус: «Осиё - Россия футболи учун майдон»

«Локомотив» (Москва) собиқ президенти Илья Геркуснинг фикрича, Россия футболи ҳозирги ҳолатда Осиёга юзланиши керак.

Ҳар ҳолда, халқаро турнирлардан четда қолиш ярамайди, мутасаддилар мамлакат футболининг кейинги тақдири ва ривожланиш стратегиясини ўйлашлари шарт.

- «Телеграм»да РФИнинг ОФКга ўтиши юзасидан фаол ташвиқот олиб боряпсиз. Ўзи Осиёда рус футболини қабул қилишадими, кутишяптими?

- Айни шу йўналишда ишлаш керак. ОФКда 47та аъзо бор ва уларни ишонтириш талаб этилади. Менимча, бу - реал мавзу. Дейлик, Марказий Осиёда камида 4та тарафдоримиз мавжуд. Қолаверса, Хитой, Мўғулистон, Эрон, Сурия, КХДР, Вьетнам ва Камбоджа ҳам бизга хайрихоҳ. Яна Ҳиндистон билан орамиз яхши. Қисқаси, иттифоқчиларимиз етарли.

- Аммо Япония ҳам бор...

- Айтайлик, Япония ва Австралия қарши чиқар, Жанубий Корея ҳам. Лекин конфедерация аъзоларининг ярмидан розилик олинса, кифоя қилади. Араб мамлакатлари ҳам кўп жиҳатдан биз томонда.

- ОФКга қўшилиш ихтиёрий равишда паст савияга ўтиш эмасми?

- Афсуски, ҳозир ҳеч қаерда эмасмиз. Ҳеч нарсасиз қолиш яхшими ёки Осиёда ўйнаш? Агар Европа ва Осиё ўртасида танлов бўлганида, бошқа гап эди.

- Вячеслав Колосков сўзларидан иқтибос: «Осиёда пул йўқ, парвозлар ҳажми катта, эътибор паст. Шундай экан, бу масала муҳокамага арзимайди»...

- Биринчидан, ОЧЛ даражасида парвозлар қисман қисқартирилган. Иккинчидан, логистика борасида катта муаммога йўлиқмаймиз. Жамоалар ҳудудларга асосан, гуруҳларга бўлинади. Яъни дейлик, Австралия томон учишга тўғри келмайди.

- Ғоя молиявий жиҳатдан қанчалик фойдали?

- Ҳа, мукофот пули Европадагидан анча кам. Аммо Европада ҳозир ҳеч вақо олмаймиз-ку.

- Россия термасининг Осиё жамоаларига қарши ўйинлари юртимизда қизиқиш уйғотадими?

- Қизиқарли ўйинлар йўқ эмас. Масалан, Ўзбекистон термаси билан. Ҳар ҳолда, қўшнилармиз. Эрон термаси билан учрашиш қизиқ эмасми? Японларга қарши ўйнашчи?

- Россияда ОЧЛ ўйинларини томоша қилишармикан?

- Нега кўришмас экан? Тақвимдаги бўшлиқни қандай тўлдирамиз? Ҳа, бундай ўйинлар клубларга катта даромад келтирмайди. Бошқа томондан, иттифоқ даврида жамоаларимиз тез-тез турнега чиқиб, обрў-эътибор қозонган. Яъни футбол барчани бирлаштиради. Анъаналарни қайта тиклаш мумкин. Қолаверса, Осиёдан энг кучли футбол давлати бўлиб чиқсак, ёмонми? Ўзимизни ҳурмат қилишимиз, англашимиз зарур. Европадаги савиямизни биламиз-ку.

Манба: sport-express.ru,

М.ПЎЛАТОВ тайёрлади

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

14/12 00:45	Аталанта	2-1	Кальяри
14/12 01:00	Арсенал	2-1	Вулверхэмптон
14/12 01:00	Хетафе	0-1	Эспаньол
14/12 16:30	Милан	2-2	Сассуоло
14/12 18:00	Севилья	4-0	Реал Овьедо
14/12 19:00	Фиорентина	1-2	Верона
14/12 19:00	Удинезе	1-0	Наполи
14/12 19:00	Кристал Пэлас	0-3	Манчестер Сити
14/12 19:00	Ноттингем Форест	3-0	Тоттенхэм
14/12 19:00	Сандерленд	1-0	Ньюкасл
14/12 19:00	Вест Хэм	2-3	Астон Вилла
14/12 20:15	Сельта	2-0	Атлетик Бильбао
14/12 21:30	Брентфорд	1-1	Лидс
14/12 22:00	Женоа	1-2	Интер
14/12 22:30	Леванте	-	Вильярреал
15/12 00:45	Болонья	0-1	Ювентус
15/12 01:00	Алавес	1-2	Реал Мадрид
16/12 00:45	Рома	-	Комо
16/12 01:00	Райо Вальекано	-	Бетис
16/12 01:00	Ман. Юнайтед	-	Борнмут

Илья Геркус: «Осиё - Россия футболи учун майдон»

ЭНГ КЎП ЎҚИЛГАН ЯНГИЛИКЛАР