Ярим ҳимоячи Бубакар Камара "Марсель"ни ёзда текинга тарк этади.
Инсайдер Фабрицио Романо хабарига кўра, 22 ёшли франциялик футболчининг янги клуби "Астон Вилла" бўлади.
Томонлар 2027 йилгача мўлжалланган шартнома бўйича келишиб олишди, тез орада футболчи тиббий кўрикдан ўтади ва керакли ҳужжатларни имзолайди.
Қайд этилишича, футболчини жалб этишда инглиз жамоаси бош мураббийи Стивен Жеррард муҳим рол ўйнаган.
Якунланган Лига 1 мавсумида Камара 34 ўйин ўтказиб, 1 гол урди.