Yarim himoyachi Bubakar Kamara "Marsel"ni yozda tekinga tark etadi.
Insayder Fabrisio Romano xabariga ko‘ra, 22 yoshli fransiyalik futbolchining yangi klubi "Aston Villa" bo‘ladi.
Tomonlar 2027 yilgacha mo‘ljallangan shartnoma bo‘yicha kelishib olishdi, tez orada futbolchi tibbiy ko‘rikdan o‘tadi va kerakli hujjatlarni imzolaydi.
Qayd etilishicha, futbolchini jalb etishda ingliz jamoasi bosh murabbiyi Stiven Jerrard muhim rol o‘ynagan.
Yakunlangan Liga 1 mavsumida Kamara 34 o‘yin o‘tkazib, 1 gol urdi.