"Милан" ҳужумчиси Златан Ибраҳимович Италия чемпионатидаги ғалабадан кейин футболдаги келажаги ҳақида гапирди.
"Агар ўзимни жисмоний жиҳатдан яхши ҳис қилсам, ўйнашда давом этаман. Тез орада қароримни қабул қиламан. Менда соғлиқ билан боғлиқ кўп муаммолар бор эди, аммо ҳозир анча яхшиман.
Бу совринни Райолага бағишлайман. Бу Миносиз қўлга киритган биринчи совриним”, — дея Ибраҳимовичнинг сўзларидан иқтибос келтиради журналист Фабрицио Романо.
Эслатиб ўтамиз, Мино Райола 2022 йилнинг 30 апрелида 55 ёшида вафот этди.
У узоқ вақт давомида 40 ёшли швециялик футболчининг агенти бўлган.