"Милан"нинг чап қанот ҳимоячиси Тео Эрнандес бош мураббий Стефано Пиоли ва техник директор Паоло Мальдинининг ривожланишидаги ҳиссаси ҳақида гапирди.
"Милан" кеча 11 йил ичида биринчи марта А серия чемпионлигини нишонлади ва бу муваффақиятда 24 ёшли франциялик футболчи муҳим роль ўйнади.
"Пиоли - ажойиб мураббий. У мени футболчи ва шахс сифатида ўзгартирди. Унга раҳмат, меҳнати эвазига бу унвонни қўлга киритдик.
Бу ерга келганимда ўзимни ҳимоя қилишим жуда қийин бўлди. Лекин мен доимо машғулот ўтказардим ва Паоло Малдини мен билан ҳар куни гаплашарди. Мальдини, мураббий ва жамоадошларимнинг ҳиссаси туфайли мен ҳақиқатдан ҳам ўзгардим", - деди Тео. У якунланган А Сериянинг 32 ўйинида 5 гол ва 6 голга ассистентлик қилган.
