“Милан” бош мураббийи Стефано Пиоли Италия А сериясида мавсумнинг энг яхши мураббийи деб топилди.

Эслатиб ўтамиз, кеча, 22 май куни "россонери"лар сафарда "Сассуоло"ни мағлуб этишган (3:0) ва 11 йил ичида илк бор Италия чемпионига айланишганди.

“Стефано Пиоли “Милан”нинг етакчиси эди. Техника ва иштиёқ асосида қурилган ёш ва ажойиб жамоа, унда мураббий ҳар бир элэмэнтни ишлаб чиқиш ва уларни бирлаштира олган”, - деди А Серия бош директори Луиджи Де Серво.

Пиоли 2019 йилда "Милан"ни қабул қилиб олган эди. У аввалроқ Италиянинг кўплаб бошқа клублари билан ишлаган, бироқ айнан “россонери” билан бирга бош мураббий сифатида ўзининг илк совринини қўлга киритишга муваффақ бўлганди.