Мавсумни муваффақиятли ўтказиб, бронза медалларига эга чиққан "Пахтакор" футзал жамоаси вакиллари клуб раҳбариятига миннатдорчилигини билдирди.
Бош мураббий Шуҳрат Тошмедов, жамоа менежери Нўъмон Нурматов, футзал жамоаси мутахассиси Шуҳрат Пўлатов ва жамоа етакчиси Дилшод Ирсалиев клуб раҳбариятига мавсум давомида яратиб берилган шароит учун раҳмат айтишди. Эслатиб ўтамиз, футзалчила клуб тарихида биринчи бор олий лигада бронза медалларини қўлга киритишди.
Мавсум бошланишидан аввал кўплаб етакчилар жамоани тарк этган бўлишига қарамай, яхши ҳамда бирдам жамоа шакллантирилиб, мавсум совринли поғоналарда якунланди.