"Манчестер Юнайтед" бош мураббийи Эрик тен Хаг Криштиану Роналдунинг жамоасидаги келажаги ҳақидаги саволга жавоб берди.

“Албатта, Роналду лойиҳанинг бир қисми бўлади. Криштиану жамоага нима бера олиши мумкин? Кўплаб голлар. Аммо бу масалада сиз билан гаплашишдан олдин, аввало унинг фикри билан қизиқаман", - деб тен Хагнинг сўзларини келтиради Manchester Evening News.

Аввалроқ Роналдунинг ўзи келажаги ҳақида ҳали бир қарорга келмагани хабар қилинганди.

Якунланган мавсумда португалиялик “қизил иблислар” сафида Англия Премьер-лигасида 30 та ўйин ўтказиб, 8 та гол ва 3 та голли узатмани амалга оширди.