"Эвертон" футболчиси Женк Тосун ёзда жамоани тарк этиши ҳақида хабар қилган эдик. У ўз саҳифасида клубга миннатдорчилик билдирди. Ҳужумчи шундай деб ёзади:
"Қадрли "кўклар" оиласи. Мен бу ерда тўрт ярим йил давомида ажойиб даврни бошдан ўтказдим. Афсуски, энди хайрлашиш даври келди. Бугун жамоадошларим, мураббийлар штаби ҳамда жамийки "Эвертон"дагиларга раҳмат айтмоқчиман. Қолаверса, жамоанинг содиқ мухлисларига ҳам. Мен бир умр сизларни ёдимда сақлайман. Ўйлайманки, "Эвертон"нинг яхши кунлари ҳали олдинда. Ўзингизни асранг!".
