17 ёшгача бўлган футболчилар ўртасидаги Осиё чемпионатига 2023 йилда Баҳрайнда бўлиб ўтса, турнирнинг финал босқичи йўлланмаси учун саралаш баҳслари октябрь ойи бошида ўтказилади.
Бугун ОФК қароргоҳи жойлашган Куала Лумпур шаҳрида саралаш босқичига қуръа ташланди. Қуръани ватандошимиз Аваз Бердиқулов ўтказди.
Саралаш босқичи бу сафар Шарқ ва Ғарб минтақаларига ажратилмади. Қуръадан аввал 3-саватчадан ўрин олган Ўзбекистон "J" гуруҳига жойлашди. Ўсмирларимизга Жанубий Корея, Бруней ва Шри-Ланка рақиб бўладиган бўлди. Саралаш босқичи ўйинлар 5, 7 ва 9 октябрь кунлари Тошкентдаги "Жар" стадионида бўлиб ўтади.
Ўйинлар тақвими билан танишинг.