"Челси" бош мураббийи Томас Тухель Лондон клуби ҳужумчиларини ёмон ўйин учун танқид қилди.

Германиялик мураббийнинг фикрича, айнан ҳужумчилар томонидан киритилган голлар сонининг камлиги “кўклар”га ички чемпионатда “Манчестер Сити” ва “Ливерпул” билан рақобатлашишга имкон бермаяпти.

«Агар биз лиганинг кучли икки жамоасига яқинроқ бўлишни истасак, ҳужум чизиғида устунлик керак. Мен бармоғимни кўрсатмаяпман ва ҳеч кимни айбламайман, лекин бизга барча ўйинчиларнинг юқори кўрсаткичлари керак”, - деди Тухель The Guardian билан суҳбатда.

Ҳозирда Тухел ихтиёрида иккита ҳужумчи бор: Ромелу Лукаку ва Тимо Вернер. 29 ёшли Лукаку ўтган мавсумда АПЛда 26 ўйинда 8 гол урди ва битта голли узатмани амалга оширди. 26 ёшли Вернер 21 ўйинда 4 та гол урди ва битта голга ассистентлик қилди.