«Интер» ҳужумчиси Лаутаро Мартинес «нерадзуррилар» сафида ўйнаганидан фахрланишини айтди.
Шунингдек, Аргентина терма жамоаси футболчиси жамоа А Серияда чемпионлик унвонини ҳимоя қила олмагани учун мухлислардан узр сўради.
“Кечирасиз, биз чемпионликни қўлга кирита олмаганимиздан жуда афсусдамиз. Мен «Интер» футболкасини кийиш ва ҳимоя қилишдан фахрланаман. Ушбу мавсумни мен билан баҳам кўрган барча футболчилар, ходимлар ва мураббийлар штабига раҳмат айтмоқчиман», - дея футболчининг сўзларини келтиради Calciomercato.
