"Бавария" маълум шартлар эвазига Роберт Левандовскини "Барселона"га қўйиб юбориши мумкин.
33 ёшли ҳужумчи Мюнхен клубини тарк этмоқчи. У аллақачон "кўк-анорранглилар" билан 3 йиллик шартнома борасида оғзаки келишувга эришган, шартнома тузишда молиявий масалалар муаммо бўлмайди.
"Бавария" польшалик футболчини сотишга рози бўлади, агар унинг ўрнига иккита янги ўйинчи сотиб олса.
Улардан бири “Штутгарт” ҳужумчиси Саша Калайжич бўлиб, унинг трансфер нархи 20 миллион еврога баҳоланмоқда.
Шунингдек, мюнхенликлар қизиқиш доирасига "Ливерпуль" вингери Садьо Мане ҳам киради. Олдинроқ сенегаллик футболчи Германияга кўчиб ўтишни истисно қилмаётгани, трансфер суммаси эса 50 миллион евродан кам бўлиши мумкинлиги хабар қилинганди.
