«Милан» «Наполи» ҳужумчиси Виктор Осимхен учун таклиф тайёрламоқда. Футболчининг трансфери 100 миллион еврога баҳоланган.
Неаполликлар клуби президенти Аурелио де Лаурентис ҳужумчини кейинги мавсумда қолдириш ёки ёзги мавсум оралиғида ундан пул ишлаш борасида ҳали бир қарорга келмаган.
Футболчига Премьер-лиганинг бой клублари аллақачон қизиқиш билдиришган. «Милан» ҳам футболчи учун курашга қўшилди.
«Милан» клуби директори Паоло Мальдини «Наполи» президентига «даромадли» таклиф билан чиқмоқчи, аммо Де Лаурентис Осимхенни Италия чемпионатининг бошқа клубига сотмоқчими, деган савол очиқлигича қолмоқда.
