Бразилия терма жамоасининг собиқ ҳужумчиси Фред футболчилик фаолиятини якунлашга қарор қилгани маълум бўлди.
"Флуминенсе"нинг 38 ёшли форварди ўз қарорини ҳозир эълон қилмоқчи эди, аммо жамоа раҳбарияти ундан буни клубнинг туғилган кунидан кейин айтишини сўраган.
21 июль куни "Флуминенсе" 120 ёшга тўлади.
Фред ҳозирги жамоасидан ташқари бутун фаолияти давомида Бразилиянинг "Америка Минейро", "Крузейро" ва "Атлетико Минейро" каби клубларида ҳаракат қилган.
Бразилия терма жамоаси сафида ҳужумчи 39та ўйин ўтказиб, 18та гол урган. 2013 йилда терма жамоа билан Конфедерациялар кубогини қўлга киритган.
