Англиянинг "Саутгемптон" клуби бош мураббийи Ральф Хазенхюттль мавсумни ёмон якунлаганидан кейин эгаллаб турган лавозимидан озод қилиниши мумкин.
Премьер-лигадаги сўнгги олти ўйинда жамоа атиги бир очко тўплашди ва жамоа мавсумни 15-ўринда якунлади. Клуб раҳбарияти Хазенхюттлни истеъфога чиқариш мақсадга мувофиқлигини кўриб чиқмоқда, деб хабар беради The Sun.
Илгари “Лейпциг”да ишлаган Хазенхюттль 2018 йилда “Саутгемптон”ни қабул қилиб олганди ва ўзининг илк мавсумидаёқ клубни 11-ўринга олиб чиқди.
Бироқ, сўнгги пайтларда жамоанинг ривожланиши тўхтаб қолди – клуб икки мавсум кетма-кет 15-ўринда қолмоқда.