La Gazzetta dello Sport бош муҳаррири Стефано Агрести "Ювентус"нинг трансфер сиёсатини танқид қилиб, Кулушевскини "Аллегрининг энг йирик мағлубияти" деб атади.

Кулушевски қишки трансфер ойнасида Турин клубидан “Тоттенхэм”га, кейинчалик сотиб олиш опсияси билан ижарага ўтди. У Лондон клубида шу қадар яхши ўйнадики, жамоага Чемпионлар лигаси йўлланмасини қўлга киритишга ёрдам берди.

Шу билан бирга, "Ювентус"нинг ўзида Кулушевски асосий таркибдан четда қолган, энди эса Италия клуби аргентиналик 34 ёшли ярим ҳимоячи Анхель ди Мария билан шартнома имзолашга ҳаракат қилмоқда.

Кулушевски жорий мавсумда Премьер-лигада 18 та ўйинда майдонга тушиб, 5 та гол урди ва 8 та голли узатмани амалга оширди.