Каталониянинг “Барселона” ва Лондоннинг “Челси” клублари ёзда “Наполи” ҳимоячиси Калиду Кулибалини сотиб олишга ҳаракат қилади.
Сенегаллик футболчининг неаполликлар билан шартномаси бир йилдан кейин якунига етади, шунинг учун Италия клуби ҳимоячини сотиб юборишга қарши бўлмаса керак.
Corriere dello Sport хабарига кўра, 30 ёшли Кулибалига "Барселона" ва "Челси" асосий даъвогар бўлиб турибди. Аввалроқ, "Наполи" бош мураббийи Лучано Спалетти, агар неаполликлар сенегалликларни ёзда сотса, клуб кўплаб муаммоларга дуч келишини таъкидлаганди.
