Каталониянинг “Барселона” клуби бош мураббийи Хави Эрнандес ярим ҳимоячи Гави билан шартномани узайтириш борасидаги вазият ҳақида гапирди. Эслатиб ўтамиз, яқинда испанияликнинг агентлари битимни узайтириш бўйича музокаралардан норози экани ҳақида маълумотлар пайдо бўлганди.
"Гавининг шартномаси мени ташвишлантирмайди. Бундай келишувлар вақт талаб этади. Умид қиламанки, яқин кунларда биз қандайдир баёнотни эълон қила оламиз", - деди Хави матбуот анжуманида.
Эслатиб ўтамиз, Гавининг "Барселона" билан амалдаги шартномаси 2023 йилнинг ёзида якунига етади.
