"Реал" ярим ҳимоячиси Лука Модрич бош мураббий Карло Анчелоттининг жамоадаги роли ҳақида гапирди.
“У ажойиб мураббий, футбол тарихидаги энг яхши мутахассислардан бири. Энг муҳими, унинг шахсияти, турмуш тарзи, одамлар билан муомала қилиш маданияти зўр шаклланган.
Бу Карлонинг энг яхши томони. Умид қиламанки, ҳаммаси яхшилик билан тугайди. У футболчиларни кўпроқ жамоа учун ҳаракат қилиши кераклигини таъкидлайди. Ҳаммаси учун Карлога раҳмат айтмоқчиман", - дея Модричнинг сўзларини келтиради RadioMARCA.
Эслатиб ўтамиз, 28 май куни "Реал Мадрид" Чемпионлар лигаси финалида "Ливерпуль"га қарши ўйнайди. Учрашув Париждаги “Стад де Франс” стадионида бўлиб ўтади.
