"Реал" ярим ҳимоячиси Лука Модрич келажаги ҳақида гапирди.
"Фаолиятимни "Реал"да якунламоқчи эканлигимни кўп марта айтганман. Мен ўзимни яхши ҳис қиляпман, лекин келажак ҳақида кам ўйлайман. Сабаби ҳозирги кунда бор эътиборимни "Реал"га қаратганман.
"Реал Мадрид"да ўйнаш учун футболчи нималарга қодирлигини исботлаш керак. Мен бир неча йилдан сўнг фаолиятимни Мадридда якунламоқчиман", - дея Модрич сўзларини келтиради RadioMARCA.
36 ёшли Модрич 2012 йилнинг ёзида "Реал"га ўтган эди. У "қаймоқранглилар" таркибида тўрт марта Чемпионлар лигасида ғалаба қозонган ва уч марта Испания чемпиони бўлган.
28-май, шанба куни Чемпионлар лигасининг финал ўйини бўлиб ўтади ва унда “Реал” “Ливерпуль”га қарши майдонга тушади.
