"Арсенал" "Фейеноорд" ярим ҳимоячиси Оркун Кекжу билан боғлиқ вазиятни кузатишда давом этмоқда. Футболчи Нидерландия клуби учун ажойиб мавсум ўтказди ва Конференциялар лигаси финалига чиқди.
Лондон клуби марказий ярим ҳимоячи қидирмоқда. Бу ролга даъвогарлардан бири "Лестер"нинг Юри Телиманс бўлиб, Кекжу арзонроқ алтернатив сифатида кўрилади. Футболчига Италиянинг “Рома” клуби ҳам қизиқиш билдирмоқда.
Жорий мавсумда футболчи Нидерландия чемпионатида 32 та ўйин ўтказиб, 7 та гол урди ва 9 та голли узатмани амалга оширди.