“Реал” Европанинг энг қиммат клублари рейтингида биринчи ўринни эгаллашда давом этмоқда, деб хабар беради France24 портали.

“Қаймоқранглилар” сўнгги тўрт йил давомида етакчиликни сақлаб қолди. Испания клубининг қиймати 3,184 миллиард еврони ташкил қилади.

Бу рейтингнинг иккинчи поғонасида "Манчестер Юнайтед" (2,9 миллиард), кейин эса "Реал"нинг асосий рақиби - "Барселона" (2,8 миллиард) жойлашган.

Шунингдек, кучли бешликдан Мюнхеннинг “Бавария” (2,749 миллиард) ва “Ливерпуль” (2,556 миллиард) клублари жой олган.

Жорий мавсумда Мадрид клуби Испания чемпионлигини қўлга киритди, шунингдек, Чемпионлар лигаси финалига чиқди.