“Андижон” жамоамиз про лиганинг 2-даврасини ўз майдонида Жиззахнинг “Зомин”ига қарши бошлайди. Ёдингизда бўлса, чемпионатнинг илк турида вакилларимиз сафарда ушбу рақибга қарши майдонга тушган ва унда ҳисоб очилмаганди – 0:0.

Бу сафар эса “Андижон” ўз майдонида мухлислари қаршисида ажойиб ғалабани тортиқ қилишларига шубҳа йўқ. Зеро, Суперлига учун курашаётган жамоамизга ҳар бир ўйин жуда муҳим.

“Зомин”га қарши ўзаро ўйинларда ҳам устунлик яққол жамоамиз тарафида. Жамоалар 4 маротаба майдонда куч синашишган бўлса, шулардан учтасида “Андижон”нинг қўли баланд келган ва бир учрашувда дуранг қайд этилган. “Зомин” ҳали “Андижон” дарвозасига йўл топа олмаган. Навбатдаги тўқнашувда ҳам “Бургутлар” баланд парвозини амалга оширади.

2016 йил, 19 март
Ўзбекистон кубоги, 1/16 финал босқичи
“ЗОМИН” – “АНДИЖОН” - 0:2
Голлар: Неманья Йованович, 13 – 0:1. Неманья Йованович, 66 – 0:2.

2017 йил, 4 апрель
Биринчи лига, 2-тур
“ЗОМИН” – “АНДИЖОН” - 0:1
Гол: Иброҳим Отахонов.

2017 йил, 1 ноябрь
Биринчи лига, 36-тур
“АНДИЖОН” – “ЗОМИН” - 4:0
Голлар: Фирдавс Асадов, 2 - 1:0. Алишер Абдувоҳидов, 28 – 2:0. Собир Ҳамидов, 68 - 3:0. Фурқат Ҳасанбоев, 86 – 4:0

2022 йил, 6 март
Про лига 1-тур
“Зомин” – “Андижон” – 0:0

"Андижон" матбуот хизмати