Европа Конференциялар Лигаси илк мавсуми якунига етгач, УEФА расмий сайти клубларнинг турнирдаги статистик кўрсаткичлари ҳақида маълумот берди.
Унга кўра, финалда ғолиб чиққан "Рома"нинг ўзбекистонлик аъзоси Элдор Шомуродов турнирнинг энг тезкор футболчиси деб топилди. Турнирда 9 ўйинда майдонга тушган 26 ёшли Ўзбекистон терма жамоаси ҳужумчиси ўз тезлигини максимал 33,6 км/соатгача чиқара олган. 2-ўринни финалчи "Фейеноорд" аъзоси Дессерс эгаллаган бўлса, "Рома" ҳимоячиси Крис Смоллинг бешликни якунлаб берган.
Эътиборлиси, Шомуродовни рақобатда ютиб, мавсумнинг аксарият баҳсларида асосий таркибдан ўрин эгаллаган Тэмми Абрахам бу борада 31,9 км/соатгагина эришган холос.
Маълумот учун, Элдор якунига етган мавсумда римликлар сафида жами 40 та ўйинда майдонга тушиб, 5 гол ва 6 голли узтма амалга оширишга муваффақ бўлган.
