Италиялик инсайдер Жанлука ди Марцио молиявий муаммолар бўлишига қарамай "Интер" ҳужумчи Лаутаро Мартинесни қурбон қилмаслигини айтди.
Аввалроқ, миланликлар ёзда ўз юлдузларидан бирини сотиши кераклиги хабар қилинганди, бироқ италиялик мутахассис бу ҳимоячилардан бири бўлишини айтмоқда.
"Менимча, Санчес ва Видалдан ташқари, Шкриньяр ёки Бастони каби ҳимоячи бўлиши мумкин. Ушбу футболчиларга "Тоттенхэм" жиддий қизиқиш билдирмоқда. Ҳаммаси аниқ таклифларга боғлиқ бўлади", - деди Ди Марцио.
Мутахассиснинг фикрича, ҳар қандай вариант бўлса ҳам, “Интер” бош мураббийи Симоне Индзаги мавсум бошига қадар аргентиналикни сотишга йўл қўймайди.
